Måndag 23. April 2018


Lars J. Rydland (t.h.) under blokkeringa på Liland i dag. Foto: Hordaland Bondelag

– Heilt ålreit aksjon

Det seier bonde Lars J. Rydland som saman med kollega Håkon Hovstad var med på blokkeringa ved Coop sitt varelager på Lilandsflaten i Fana i dag.

Begge karane stod opp i firetida i natt for å rekkje 04.40-ferja frå Sandvikvåg for å kunne vere framme ved Liland kl 06.00.

Lars J. Rydland er ikkje heilt samd med at det vart ampert, som NRK Hordaland skriv, sjølv om ein dansk sjåfør som skulle til Sverige og hadde lita tid, køyrde ned sperringane. – Stemninga var elles heilt ålreit. Dei andre sjåførane takla det heile svært bra, og nokon kom bort og snakka greitt med oss. Og klokka 09.00 var aksjonen over.

Leiar i Fitjar Bondelag, Tore Sigurd Fitjar, var på eit anna møte i Bergen i dag, og kunne såleis ikkje vere med på Liland.

Men han stør sjølvsagt saka, og understrekar at det ikkje berre handlar om pengar, men om ei omfordeling som slett ikkje fungerer optimalt for alle bønder.

– Neste veke er det aksjon i Oslo, og då skal òg fitjarbønder vera med, og så får med sjå kva veg det heile tek etter det, seier Tore Sigurd Fitjar til fitjarposten.no

Hordaland og Sogn og Fjordane

Det var bønder frå Hordaland og Sogn og Fjordane som blokkerte utkøyring av varer frå matkjedene sine grossistlager i Hordaland. – Vi vil vise at norsk mat ikkje er sjølvsagt, seier leiar i Hordaland Bondelag, Frøydis Haugen. 

– Tysdag vart det brot i jordbruksforhandlingane. I går aksjonerte bøndene langs vegar og i butikkar over heile landet. No har vi trappa opp aksjonen og blokkerer distribusjonslagera til Coop, Asko og Rema. 

Vi ønsker eit mangfaldig jordbruk. Forbrukarane ønsker norsk mat. Vi har fått støtte og sympati desse dagane med brot. Mange ser at det handlar om korleis vi vil at maten skal verte produsert framover, legg Haugen til.

- Vi ønsker ikkje å ramme forbrukarane. Men vi må seie klart ifrå om konsekvensane av at regjeringa ikkje vil satse på eit jordbruk over heile landet. Det er ein politikk som kan ramme forbrukarane sine ønske om trygg kvalitetsmat. – Vi håper forbrukarane har forståing for aksjonen, understreker Frøydis Haugen, til slutt. 

Inngangen er sperra. Foto: Hordaland Bondelag.

 

Butikkar og tenester i sentrum "Klikk for å sjå alle"

.

Marie 9 år

22.04.2018 Kjetil Rydland

 Marie fyller ni år i dag! Marie 9 år Gratulerer så masse med 9-årsdagen søndag 22.04! 

Les meir ...

Hoggorm på Engesund Visningssenter!

21.04.2018 Kjetil Rydland

Sjeldan gjest på merdkanten i Engesund. Foto: Goff Artsamai. Hoggorm på Engesund Visningssenter! Fredag morgon dukka det opp ein ubeden og svært sjeldan gjest på  Engesund Visningssenter i Fitjarøyane, då ein hoggorm brått sat...

Les meir ...

Bremnesingane blei altfor sterke for A-l…

21.04.2018 Kjetil Rydland

Fitjar nede for teljing med null poeng etter tre kampar. Foto: Kjetil Rydland. Bremnesingane blei altfor sterke for A-laget Trass ei tidleg leiing ved Daniel Skarpnes viste Fitjar-gutane seg altfor veike og...

Les meir ...
annonse

Første vigsla for ordføraren

20.04.2018 Kjetil Rydland

Ordførar Wenche Tislevoll med brurparet Malene Løklingholm Leivestad og Morten Bauge Torland. Foto: Kjetil Rydland.   Første vigsla for ordføraren Fredag fekk ordførar Wenche Tislevoll sin elddåp då ho vigde Morten Bauge Torland (31)...

Les meir ...

Ber barna i beretøy og gjer dei trygge!

19.04.2018 Kjetil Rydland

  Gabriel Nedal Kvamen ser ut til å finna seg til rette på ryggen til mor, Solrun Irene Kvamen. Foto: Kjetil Rydland.   Ber barna i beretøy og gjer dei trygge!  I dag møttest...

Les meir ...

Carfix med utleigebil til kundane

19.04.2018 Kjetil Rydland

Så fin er den nye Renault Zoe elbilen til Carfix. Foto: Kjetil Rydland.  Carfix med utleigebil til kundane Carfix på Fitjar kan skilta med ein splitter ny elbil som kundane kan låna...

Les meir ...
annonse

Fagtorg "Klikk for å sjå alle"


Kansellerte ferjeavgangar

22.04.2018 Kjetil Rydland

– Så lang ferjekø har eg aldri sett før Ferjekøen sørover strekte seg mange kilometer søndag. Foto: tipsar Mange innstilte avgangar kombinert med stor helgetrafikk har skapt svært lange ferjekøar mot Sandvikvåg...

Les meir ...
annonse