Måndag 21. Mai 2018



Herman Inge Aadland held talen for dagen. Foto: Kjetil Rydland.

Herman Inge med nær og tankevekkjande tale

Tidlegare sokneprest Herman Inge Aadland heldt talen for dagen i Kultursalen i Fitjar kultur- og Idrettsbygg.

 

Dagens tale på 17. mai blei i år òg halden innomhus, i Fitjar kultur- og idrettsbygg. Denne gongen kunne me hatt det minst like godt ute, men kven kan vita slikt på førehand? 

 


Kultursalen i ferd med å bli fullsett medan Herman Inge Aadland gjer seg klar til å halda talen. Foto: Kjetil Rydland. 

 

Konferansier John Arvid Skumsnes leia programmet på ein ledig og humoristisk måte. Dagens hovudtalar, Herman Inge Aadland, har både eit kjent andlet og ei kjend røyst for fitjarbuar flest. 

 

Før talaren fekk ordet, spelte Guro Rimmereid Nocturne av Chopin. Ho hadde teke seg ein liten pause i russefeiringa til stor glede for ein fullsett kultursal i Fitjar kultur- og idrettsbygg.

 


Ei travel Guro Rimmereid tok seg ikkje tid til å ta av russedressen, men gledde publikum med Nocturne av Chopin. Foto: Kjetil Rydland. 

 

På sin varme og humoristiske måte tok den tidlegare soknepresten vår oss med frå oppveksten sin på vesle fredelege Stord fram til vår tid, og me må innsjå at me er ein uløyseleg del av den store verda. Som vanleg når Herman Inga talar, fekk me høyra ei rekkje flotte formuleringar, og me må unna oss å sitera enkelte av desse: 


"Det verkelege senteret i verda låg for meg mellom Stuve skule og Vassenden på Nedre Litlabø. ... Me levde sutalaust der. Sjølvsagt visste me godt at det fanst noko utanom også: T.d. Ådland ... og Vikjo med kyrkja og bedehuset ... visste me mykje meir om Madagaskar enn om Halsnøy ..."


Me fekk følgja Herman Inge frå barndommen hans i enkle kår på Stord, gjennom den eventyrlege økonomiske utviklinga som har skjedd i vår tid. Han minte om at det ikkje er så altfor lenge sidan Noreg var rekna for "husmannen i Norden". Me var ikkje eit land folk søkte til for å sjå seg om etter eit betre liv, i staden eksporterte me folk. 

 

"Etter at Noreg har vunne kollektivt i Lotto", som Herman Inge uttrykte det, har dette endra seg. Mange har retta augo mot Noreg  som er kåra som eitt av verda sine rikaste og beste land å bu i.


Herman Inge oppmoda oss om å vera rimeleg rause, sjølv om det er grenser for kva eit lite land som kan yta. Han oppmoda oss til ikkje å stengja gluggane mot kvarandre og omverda. Han minte oss om at verda er blitt lita og at me er ein del av det store fellesskapet. Og avslutninga av talen er så fin at me siterer direkte: 


"Og det skal me vera! Og det er me best når me er oss sjølve i sinn og ånd, i kultur og tradisjon, i kjærleik og omtanke og levd liv. Til lukke med dagen!"

  


Dirigent Ole Christian Ottestad introduserer dagens program frå Osternes Mannskor. Foto: Kjetil Rydland. 

 

Konferansier John Arvid Skumsnes hadde litt vanskar med å forklara kvifor prologen skulle koma til slutt. Men Harald Johan si framføring av prologen til Knut Rimbereid frå 1978 blei i alle høve ei høgtideleg og verdig avslutning på samværet i Kultursalen. Me tillèt oss å sitera litt: 

Velkomne til høgtid i Håkonarhagen,  
velkomne frå øyar og grender       
i festleg fylgje på grunnlovsdagen        
med flagg i barnehender

Nordmenn, bygdefolk, granne og frende   
me eig denne dagen i lag –           
frå tidlege morgon til dagen tek ende      
er dette folket sin dag.

Me samlast og ærer dei menn og kvinner         
som stridde for fridom og rett.         
Den 17. mai er dagen for minner  
om land og folk og ætt.

 … … … … … …

Dersom me også tankane vender         
mot fortidas falma spor      
i ætta, tunet, bygda og grenda         
vert minnedagen vår stor.

Heile prologen kjem på trykk i årets Fitjarminne frå sogelaget. 

  


I kjent stil framfører Harald Johan Sandvik Knut Rimbereid sin prolog frå 1978. Foto: Kjetil Rydland. 

Butikkar og tenester i sentrum "Klikk for å sjå alle"

.

Harald Rydland sin tale på 17. mai

18.05.2018 Kjetil Rydland

Harald Rydland held tale i Kultursalen 17. mai. Foto: Kjetil Rydland. Harald Rydland sin tale på 17. mai 2018 Talen som Harald Rydland heldt på 17. mai, var vel verdt å høyra...

Les meir ...

Pinseaftan: Butikkane stengjer klokka 16…

18.05.2018 Kjetil Rydland

Pinseaftan: Butikkane stengjer klokka 16! I morgon er det pinseaftan, og då stengjer daglegvarebutikkane klokka 16.00.

Les meir ...

Ho vil erstatte Terje Træet i sommarrevy…

18.05.2018 Jonas Sætre

Ho vil erstatte Terje Træet i sommarrevyen Anne Marith Sandhåland erstattar Terje Træet i årets sommarrevy. Terje Træet melder avbod til årets sommarrevy i Fitjar grunna helsemessige årsaker.

Les meir ...
annonse

Friluftsgudsteneste 2. pinsedag

18.05.2018 Kjetil Rydland

Frå friluftsgudstenesta 2. pinsedag i fjor. Foto: Torbjørn Hovland. Friluftsgudsteneste 2. pinsedag Det blir frluftsgudsteneste 2. pinsedag i år òg, får me opplyst i ei pressemelding frå Fitjar kyrkje.

Les meir ...

Tradisjonell 17. mai på Hageberg

18.05.2018 Kjetil Rydland

Geir Raunholm smiler lurt under quizen på Hageberg på 17. mai. Foto: Kjetil Rydland. Tradisjonell 17. mai på Hageberg Mellom 30 og 40 strandarar møttest til leik og song på Hageberg skule...

Les meir ...

Humor og høgtid i Kultursalen på 17. mai

17.05.2018 Kjetil Rydland

  Toralv Røen takkar for kulturprisen. Foto: Kjetil Rydland.  Humor og høgtid i Kultursalen på 17. mai Under det høgtidelege 17. mai-programmet i Fitjar kultur- og idrettsbygg fekk me høyra ein alvorleg, men...

Les meir ...
annonse

Fagtorg "Klikk for å sjå alle"


På handballfestival i strålande pinstivê…

19.05.2018 Kjetil Rydland

Kjekt på Handballfestivalen; f.v. Elisabet, Elise, Runar Øvrebø (gymlærar for jentene), Tomine og Andrine.  På handballfestival i strålande pinstivêr Hanballfestivalen på Stord er i full gang i ideelt festivalvêr, og Fitjar er...

Les meir ...
annonse