Måndag 29. Mai 2017



Seksåringen Emma Vestbøstad med dagens første pølse, omgitt av foreldra Aina og Tor Henning Vestbøstad. Foto: Kjetil Rydland.  

17. mai: – og ljos over landet strøymde!

Regnet og skodda tok pause, og me fekk oppleva ein makelaust fin 17. mai i Fitjar, og sjeldan har me sett så mykje folk ute i finstasen som i dag. 

 

Tonane frå Fitjar skulekorps fekk skodda til å letta i morgontimane i dag, og då barnetoget var klart til anmarsj frå Tinghusplassen klokka 10, skein sola over Fitjarsjøen. Og lokka folk fram frå gøymestadane sine, i finstas i ulike fargar. Sjeldan har me sett så mykje folk i gata på ein 17. mai.

 

Katharina Skumsnes, 7.-klassing frå Øvrebygda skule, hausta stor applaus for appellen ho heldt før barnetoget starta opp. – Heldige er me som bur i eit fredeleg og demokratisk land, sa ho blant anna, før ho ropa hurra for den norske grunnlova.

 

Tradisjonen tru følgde barnehagane og skulane hakk i hæl på flaggborga. Fremst gjekk ordførar Wenche Tislevoll, saman med Svein Olav Raunholm, frå Fitjar Musikklag, som hadde hovudansvaret for årets arrangement i Fitjar.

 

Som alltid tok toget turen bortom Fitjar bu- og  behandlingssenter og Havnahuset. Ordføraren tok seg tid til å helsa på folk ved institusjonane, og skulekorpset spela. Denne gongen klarte ein òg å unngå at toget spora av der borte. Flaggborga i spissen venta til alle var klare, og i slutta orden gjekk toget disiplinert tilbake til sentrum.

 

I eit aldeles strålande sommarvêr, fekk me oppleva ein 17. mai heilt i toppklasse. Fitjarbuen er vanlegvis eit godlynt folkeferd, men sjeldan har me møtt så mykje blide folk som i dag, og så fine som dei var! Sikkert fordi sola skein på folk som var letta over at vêret hadde letta akkurat i tide. 

 

Me lar bileta tal for seg, frå den finaste 17. mai i manns minne. 

  


Meir enn klare for 17. mai! F.v. Josefine (6), Jens (4) og Pernille (2) Brenne. Foto: Kjetil Rydland. 

 


Håvard Oma Sele har teke finstasen på, sjølv om det ser ut som om han har vakt i brannvesenet. Foto: Kjetil Rydland.

 


Katharina Skumsnes, 7.-klassing frå Øvrebygda skule, heldt ein flott appell framfor Fitjar rådhus før barnetoget starta. Foto: Kjetil Rydland.

 


Sola skin over Tinghusplassen idet barnetoget gjer klar til avmarsj. Foto: Kjetil Rydland.

 


Svein Olav Raunholm frå Fitjar Musikklag heilt i front, og rett bak kjem ordførar Wenche Tislevoll. Foto: Kjetil Rydland.

 


Våre nye landsmenn stilte opp i toget. Foto: Kjetil Rydland.

 


Fitjar skulekorps spelar Ja,vi elsker framfor Havnahuset. Foto: Kjetil Rydland.

 


Amir t.h. hadde son sin, Hatim med i 17. mai-toget. Her sit guten på armen til Achmed. Foto: Kjetil Rydland. 

 


Flaggborga ventar medan skulekorpset spelar framfor Havnahuset. Foto: Kjetil Rydland.

 


Donatas Daktaras er sveisar på Fitjar Mekaniske Verksted til dagleg; han nytta den norske nasjonaldagen til å dra i land denne storfisken i fjøresteinane rett nedanfor Sjøstrand. Foto: Kjetil Rydland.

 


Den gamle storfiskaren Solomon Aarbø var altfor fint kledd til å fiska. Han hadde iallfall dagens finaste hatt og 17. mai-sløyfe. Foto: Kjetil Rydland.

 

Butikkar og tenester i sentrum "Klikk for å sjå alle"

.

Stafettsiger i Mailekene

28.05.2017 Kjetil Rydland

Stafettlaget til Fitjar på det øvste trinnet på sigerspallen. Foto: Privat.  Stafettsiger i Mailekene Under Mailekene i Haugesund laurdag gjekk stafettlaget til Fitjar heilt til topps, og elles kom dei unge fitjarbuane...

Les meir ...

Fitjar heilt sist etter nytt heimetap

27.05.2017 Kjetil Rydland

Fitjar heilt sist etter nytt heimetap A-laget til Fitjar har teke over sisteplassen i 5. divisjon etter eit nytt heimetap. Denne gongen var det Tornado Bergen som blei for sterke, og kunne...

Les meir ...

AMS - smart straummålar

27.05.2017 Håkon C

  F.v. Elverksjef åvard Singelstad og driftsingeniør Marius Onarheim viser fram ein gamal straummålar som skal skiftast ut. AMS - smart straummålar Smarte straummålarar vil gje betre informasjon om straumforbruk og straumprisar og...

Les meir ...
annonse

Vakkert - og noko å reflektere over

27.05.2017 Håkon C

F.v Kultursjef Bente Bjelland, Leif hedman, Alma Kjærland og Truls Horvei. Foto: Håkon C. Hartvedt Vakkert - og noko å reflektere over Overskrifta kan vere stikkorda over utstillinga til Leif Hedman og...

Les meir ...

Ny utstilling i Galleri Losjen

26.05.2017 Håkon C

Ny utstilling i Galleri Losjen Leif Hedman og Alma Kjærland. Foto: Kjetil Rydland I morgon, laurdag 27. mai, opnar ei ny utstilling i Galleri Losjen. Denne gongen med Alma Kjærland og Leif...

Les meir ...

Meir info om fase III på Midtfjellet

26.05.2017 Håkon C

Meir info om fase III på Midtfjellet Midtfjellet Vindpark AS har som kjent gått inn for å byggje vidare ut med det dei kallar Fase III. På nettsidene finn me meir...

Les meir ...
annonse

Fagtorg "Klikk for å sjå alle"


Gamaldags gudsteneste med stil

28.05.2017 Kjetil Rydland

 Sokneprest Olav Oma på preikestolen; mange sette pris på gjensyn med ein gamaldags prestekrage. Foto: Kjetil Rydland.  Gamaldags gudsteneste med stil Vel 100 soknebarn fann vegen til kyrkja i dag for å vera...

Les meir ...